• Праваслаўны храм у г. МіёрыПраваслаўны храм у г. Міёры
  • МіёрыМіёры
  • НабярэжнаяНабярэжная
  • Комплекс - раённы Дом культуры і дзіцячая школа мастацтваўКомплекс - раённы Дом культуры і дзіцячая школа мастацтваў
  • Фізкультурна-аздараўленчы комплексФізкультурна-аздараўленчы комплекс
Галоўная -  Навіны -  Навіны рэгіёну

Браслаўскія музейшчыкі распрацавалі новыя турыстычныя маршруты па азёрным краі

12.05.2020

Два новыя турыстычныя маршруты па Браслаўскім раёне распрацавалі супрацоўнікі музеяў, паведамілі карэспандэнту БЕЛТА ў раённым аб'яднанні музеяў.

Музейшчыкі гатовы прапанаваць новыя экскурсіі ў Друю і Дрысвяты. Прыгранічныя населеныя пункты багатыя сваёй гісторыяй і архітэктурнай спадчынай. У мястэчку Друя гасцям раскажуць аб мясцовым касцёле Святой Тройцы XVII стагоддзя, які знаходзіцца на беразе Заходняй Дзвіны. Таксама ў маршруце Барысаў камень, Благавешчанская царква, помнік на месцы расстрэлу яўрэяў і яўрэйскія могілкі. У Дрысвятах гатовы паказаць драўляны касцёл Пятра і Паўла і Петрапаўлаўскую царкву. Уключаны ў экскурсію і "нулявы кіламетр" сучаснай еўрапейскай геадэзіі, які ў мінулым годзе стаў турыстычным пунктам раёна.

"Цяпер працуем яшчэ над адным праектам, плануем развіваць настальгічны турызм. Гэта будзе цікава ўраджэнцам Браслаўскага раёна, якія ў свой час выехалі за межы родных мясцін, а таксама сваякам, продкі якіх жылі і былі звязаны з Браслаўшчынай", - адзначылі музейшчыкі.

Паводле слоў спецыялістаў, часцей за ўсё азёрны край наведваюць жыхары Расіі, Латвіі, Літвы і Польшчы. Попытам турыстаў карыстаюцца розныя экскурсіі па Браслаўскім раёне.