• Праваслаўны храм у г. МіёрыПраваслаўны храм у г. Міёры
  • НабярэжнаяНабярэжная
  • Фізкультурна-аздараўленчы комплексФізкультурна-аздараўленчы комплекс
  • Комплекс - раённы Дом культуры і дзіцячая школа мастацтваўКомплекс - раённы Дом культуры і дзіцячая школа мастацтваў
  • МіёрыМіёры
Галоўная -  Навіны -  Навіны рэспублікі

Экспарт беларускай сельгаспрадукцыі ў Таджыкістан у 2019 годзе вырас на 2,5 працэнта

11.02.2020

Экспарт беларускай сельскагаспадарчай прадукцыі і прадуктаў харчавання ў Таджыкістан у 2019 годзе склаў $6,8 млн, што на 2,5 працэнта больш, чым у 2018 годзе. Аб гэтым ішла размова ў час беларуска-таджыкскай міжурадавай камісіі па пытаннях гандлёва-эканамічнага супрацоўніцтва пад старшынствам міністра сельскай гаспадаркі і харчавання Беларусі Анатоля Хацько, паведамілі БЕЛТА ў прэс-службе Мінсельгасхарча.

Тавараабарот сельскагаспадарчай прадукцыі і прадуктаў харчавання паміж краінамі ў 2019 годзе склаў $8,1 млн. Беларусь пастаўляла касцяную муку, солад, мяса птушкі, замарожаную ялавічыну, малочную сыроватку, сухое абястлушчанае малако, племянную буйную рагатую жывёлу, хлеб, мучныя і кандытарскія вырабы і іншую прадукцыю. Імпарт сельгаспрадукцыі з Таджыкістана за мінулы год склаў $1,3 млн. Яго аснова - баваўнянае валакно і сухафрукты.

Тавараабарот Беларусі і Таджыкістана ў 2019 годзе склаў $36,3 млн. Пры гэтым экспарт - $33,2 млн, а імпарт - $3,1 млн. Сальда дадатнае - $30,1 млн. Асартымент экспарту - 176 таварных пазіцый, з якіх 61 новая. У мінулым годзе Беларусь пастаўляла на рынак Таджыкістана аўтамабілі, прызначаныя для перавозкі 10 і больш чалавек, трактары і седлавыя цягачы, цукар, дываны і тафтынгавыя падлогавыя пакрыцці. "Станоўчай ацэнкі заслугоўвае работа прадпрыемстваў і арганізацый па нарошчванні паставак халадзільнікаў, маразільнікаў і халадзільнага абсталявання, мукі, гранул з мяса, мясных субпрадуктаў і рыбы, шакаладу і іншых гатовых прадуктаў харчавання, якія маюць у саставе какава, малочнай сыроваткі, згушчаных і сухіх малака і вяршкоў, племянной буйной рагатай жывёлы", - адзначылі ў прэс-службе.

У час пасяджэння былі падведзены вынікі работы па супрацоўніцтве з Таджыкістанам у 2019 годзе, абмеркаваны пытанні ўзаемадзеяння ў галіне сельскай гаспадаркі, прамысловасці, адукацыі, аховы здароўя, культуры, міжрэгіянальнага супрацоўніцтва, умацавання дагаворна-прававой базы паміж дзвюма краінамі, а таксама мерапрыемствы па павелічэнні беларускага экспарту ў 2020 годзе.