• Православный храм в г. МиорыПравославный храм в г. Миоры
  • НабережнаяНабережная
  • Комплекс – районный Дом культуры и  детская школаКомплекс – районный Дом культуры и детская школа
  • Физкультурно-оздоровительный комплексФизкультурно-оздоровительный комплекс
  • 45 лет45 лет
Главная -  Урожай 2016

Урожай 2016

Дэлегацыя з Міёршчыны на Дажынках у Сянно

ПЛАН информационно - идеологического обеспечения весенне-полевых работ в Миорском районе на 2016 год

План информационно-идеологического обеспечения заготовки кормов и уборочной кампании в Миорском районе в 2016 году

Першыя тысячнікі

Можна сказаць, што ААТ "Гвардзейскі" тыповая сярэдняя гаспадарка раёна: ў ёй належыць да ўборкі 1065 гектараў зерневых і зернебабовых з 17560 на Міёршчыне.

Умовы сёлетняй уборкі збожжавых у ёй не лепшыя, камбайны таксама нярэдка наразаюць каляіны і буксуюць. Тым не менш ледзь не штогод у сельгаспрадпрыемстве камбайнеры і вадзіцелі першымі становяцца тысячнікамі. Бачна, сказваецца належная падрыхтоўка тэхнікі, арганізацыя працы, старанне работнікаў. І вось "залпам" першая 1000 тон зерня намалочана мала-дзёжным экіпажам, яшчэ больш адвезена адным вадзіцелем. Так што сёлетняе дасягненне—хутчэй традыцыя. Урачыста адзначылі яе ўчора, 15 жніўня.

На поле ля Дварчан, дзе на ячменным участку прыпынілася ўборачнае звяно,—тры камбайны і тэхніка для адвозкі— прыехала прадстаўнічая дэлегацыя з райцэнтра. Вядома, у цэнтры ўвагі былі віноўнікі ўрачыстасці—камбайнер маладзёжнага экіпажа Андрэй Уладзіміравіч Савейка, на рахунку якога ўжо было 1030 тон намалочанага збожжа, а вадзіцель МАЗа Васіль Васільевіч Аўхаронак перавёз яго з поля 1345 тон.

Старшыня райвыканкама Ігар Валер'евіч Кузняцоў сардэчна вітаў лепшых хлебаробаў і ўручыў нагляднае пацвярджэнне заахвочвання—пасведчанне аб падзяцы ад раённага выканаўчага камітэта.

Намеснік начальніка аддзела ідэалагічнай работы, культуры і па справах моладзі Аксана Васільеўна Ашурка са словамі ўдзячнасці за старанную працу прыпаднесла сімвалічныя "хлебныя" медалі. Гэты набор папоўнілі дыпломы ад БРСМ, якія ўручыла першы сакратар райкама маладзёжнай арганізацыі Вікторыя Пяткевіч. Старшыня райкама прафсаюза работнікаў АПК Леанід Яўгенавіч Хахель дадаў прафсаюзныя ўзнагароды—дыпломы, падарункі і прэмію. Пераможцы заслужылі!

Камбайнеры пастаянна дзяжураць на полі, каб скарыстацца кожнай хвілінай добрага надвор'я,—дзеліцца зусім несакрэтнымі прынцыпамі правядзення жніва дырэктар гаспадаркі Міхаіл Вікенцьевіч Іваноў.—Такая тактыка дазволіла намалаціць у суботу 270 тон зерня, хаця ў нядзелю ўзятак значна меншы—толькі 170 т. Аднак дзякуючы гэтаму закончылі абмалот азімай пшаніцы. Гатункі "капылянка" і "Ядвіся" давалі прыкладна аднолькавы ўраджай па 36-37 цэнтнераў з гектара.

— Вось і цяпер чакаем, калі падсохне салома пасля ранішняга дожджыку, каб прадоўжыць уборку ячменя "гонар",— працягвае кіраўнік.—Працуем дапазна, пакуль дазваляе надвор'е ці не выпадзе раса. Такі рытм спрыяе вытрымаць тое, што ўдзельнікаў жніва кормім двойчы. Стравы для іх рыхтуюць Ніна Раманаўна і Зоя Аляксандраўна Івановы.

Поспех лідараў спаборніцтва—узор для ўсіх работнікаў. Побач на адным полі на зернеўборачных камбайнах заняты Андрэй Васільевіч Аўхаронак і Дзмітрый Мікалаевіч Лук'янскі, традыцыйна да іх далучаецца Міхаіл Мікалаевіч Арлоўскі, які звычайна працуе на пажарна-выратавальным пасту.

Яшчэ зерне адвозяць на трактарах Віктар Казіміравіч Рачыцкі і Сяргей Іванавіч Смерцьеў, на МАЗе—Анатоль Мікалаевіч Лакотка.

У кожнага з іх тэарэтычна ёсць магчымасць паставіць свой рэкорд, бо абмалот зерневых плануецца закончыць на працягу гэтага тыдня, калі не ўнясе карэктывы непагадзь. Тады застануцца толькі зернебабовыя, пакуль недаспелыя.

Жніво ў раёне перакуліла свой экватар.

Леанід МАТЭЛЕНАК.
Фота Казіміра БЛАЖЭВІЧА.


Шчыруе на палетках Міёршчыны моладзь

Васіль Аўхаронак жыве на цэнтральнай сядзібе ААТ "Узмёнскі край", але кожную раніцу на ўласнай легкавой машыне скіроўваецца на працу ў суседнюю гаспадарку — ААТ "Гвардзейскі", дзе ўжо не першы год шчыруе за рулём шматтоннага самазвала. Разам з ім едзе працаваць на хлебнай прыдзвінскай ніве і другі малады вясковец — механізатар Андрэй Савейка. У гэтыя дні абодва заняты на жніве.

Читать подробнее: Районная газета "Міёрскія навіны" (http://mijory.by/main/8537-truditsya-na-polyah-miorschiny-molodezh.html)

Камбайны на Міёршчыне выйшлі ў поле

У мінулую суботу нарада з кіраўнікамі сельгаспрадпрыемстваў і аграпрамысловых структур раённага звяна пачалася ў Туркоўскім СДК з выступлення старшыні райвыканкама І.В. Кузняцова. Ігар Валер'евіч запатрабаваў найперш забяспечыць максімальныя надоі і прывагі ў жывёлагадоўлі, а рэалізацыя малака павінна быць не менш за 105% да ўзроўню мінулага года за гэты перыяд.

Читать подробнее: Районная газета "Міёрскія навіны"

Сцеліцца даўганец на палетках

На мінулым тыдні льнозавадчане пачалі церабленне важнай для перапрацоўчай прамысловасці тэхнічнай культуры. Разаслаўся доўгімі роўнымі радамі даўгунец на вылежку на 60 гектарах паблізу весак Томкі і Загор'е. Даждлівае надвор'е не спрыяе рабоце, але калі выглядае сонейка, Юрый Развадоўскі і Уладзімір Угельскі на самаходных уборачных камбайнах рупліва вядуць работу.

Читать подробнее: Районная газета "Міёрскія навіны"

Комбайны на палетках

Першымі накіравалі на палеткі камбайны "КЗС - 1218" на ўчасткі, дзе выспела насенне шматгадовых траў, ААТ "Дрыгучы", "Туркова", "Пад'ельцы, "Узменскій край", СУП "Павяцце". 52 тоны дробных зярнятак з-пад матавіла жняярак трапілі ў бункеры на 142 гектарах.
Найбольшая плошча абмалочана ў ААТ "Дрыгучы" – 63 гектара. Першым у гаспадарцы далучыўся да ўборачных работ Вадзім Лаўрыновіч, які адправіў на сушылку 23 тонны насення.

На другой пазіцыі – ААТ "Узменскі край", дзе з 35 гектараў атрымалі 21 тону насення аўсяніцы чырвонай і лугавой. У рабоце задзейнічаны тут два "КЗС - 1218", якімі кіруюць Алег Тычко і Дзмітрый Конах . Камбайнеры СУП "Павяцце" ўбралі 20 га насення траў, ААТ "Пад'ельцы" – 14 га, "Туркова" – 10 га.

Уборачная кампанія "Ураджай 2016" стартавала!

На семінары ў ААТ "Узмёнскі край" пра вынікі пасяўной кампаніі, развіцця жывёлагадоўлі і корманарыхтоўку

2 чэрвеня на базе ААТ "Узмёнскі край" пад кіраўніцтвам старшыні райвыканкама І. Кузняцова і начальніка райсельгасхарчу В. Бялько адбыўся раённы семінар па выніках пасяўной кампаніі, развіцця жывёлагадоўлі і пра разгортванне корманарыхтоўкі. На яго запрашаліся дырэктары і галоўныя аграномы сельгаспрадпрыемстваў. На захаванне і апрацоўку пасеваў, найперш элітных участкаў, у сёлетніх няпростых умовах іх увагу звярнуў намеснік начальніка райсельгасхарчу В. Гагалінскі.

Читать подробнее: Районная газета "Міёрскія навіны"

Міёрскі льнозавод завяршыў сяўбу даўгунцу

10 мая мехатрад ААТ "Міёрскі льнозавод" завяршыў сяўбу даўгунцу. Як адзначае дырэктар прадпрыемства Аляксандр Міхайлаў, дзякуючы калектыву работы праведзены вельмі арганізавана. Значную падтрымку пры вырашэнні праблемных пытанняў аказала раённае кіраўніцтва і ўпраўленне сельскай гаспадаркі і харчавання. У выніку агульных старанняў насенне лёну лягло ў добра падрыхтаваную глебу ў аптымальныя тэрміны без парушэння тэхналогіі. Своечасовае забеспячэнне палівам спрыяла хуткаму выканнаню вясенніх работ.

Читать подробнее: Районная газета "Міёрскія навіны"

Весткі з палеткаў

Пад яравыя культуры ў сельгасарганізацыях раёна адведзена 24 487 гектараў ворыва і да 22 красавіка авёс, ячмень, пшаніца, зернебабовыя, яравы рапс, лён і аднагадовыя культуры занялі 4561 га, што складае 18,6% да неабходнага. Больш чым на 30% выкананы план яравой сяўбы ў ААТ "Мікалаёўскі", "Любінова", "Міёрскі райаграсэрвіс", "Гвардзейскі", у іншых гаспадарках паказчыкі значна ніжэйшыя. З-за частых дажджоў сяўбу вядуць выбарачна толькі на лёгкіх глебах.

Читать подробнее: Районная газета "Міёрскія навіны"

Палявыя работы

Паводле інфармацыі ўпраўлення сельскай гаспадаркі і харчавання ў сельгасарганізацыях раёна за 10 красавіка падрыхтавана глеба для сяўбы на 1342 гектарах, а найбольшыя плошчы ў ААТ "Гвардзейскі" (230 га), "Мікалаёўскі" (190 га), "Туркова" (140 га) і СУП "Цітова" (11 га).

Читать подробнее: Районная газета "Міёрскія навіны"

Палявыя клопаты сяўбы-2016

Паводле аператыўных дадзеных, якія паступілі ў раённае ўпраўленне сельскай гаспадаркі і харчавання 7 красавіка, у гаспадарках раёна засеяна яравымі зерневымі і зернебабовымі 550 гектараў, а найбольшыя плошчы—у ААТ "Мікалаёўскі" —146 га, "Гвардзейскі"—101 га і "Туркова"—61 га. Ячмень ужо займае 278 га, у тым ліку ў ААТ "Гвардзейскі"—101 га, "Мікалаёўскі"—77 га, "Туркова"—61 га, "Пад'ельцы"—39 га. Авёс сеюць у ААТ "Мікалаёўскі" (69 га) і СУП "Цітова" (30 га), а зернебабовыя—у СУП "Павяцце (55 га), ААТ "Міёрскі райаграсэрвіс" (42 га), КУП "Язна" (35 га), ААТ "Папшулі (23 га), ВУПКУ "Міёрскі" (12 га) і ААТ "Дрыгучы" (6 га).

Читать подробнее: Районная газета "Міёрскія навіны"

Лягло насенне ў глебу Міёршчыны

Першымі на Міёршчыне прыступілі да сяўбы яравых культур механізатары ААТ "Мікалаёўскі". Першы выезд на палеткі на энерганасычаных трактарах з сеялкамі зрабілі ў апошнія дні сакавіка і ўжо загарнулі насенне ў глебу больш чым на 70 гектарах.

Читать подробнее: Районная газета "Міёрскія навіны"

У падтрымку паляводам

Міёршчыны Прэзідыум раённай арганізацыі прафсаюза работнікаў аграпрамысловага комплексу на чарговым сакавіцкам пасяджэнні разгледзеў пытанне "Аб задачах прафсаюзных арганізацый па ўдзеле ў падрыхтоўцы і правядзенні вясенне-палявых работ 2016 года". Вырашана забяспечваць галоснасць вынікаў напружанай працы і расказваць пра перадавікоў на старонках раённай газеты.

Читать подробнее: Районная газета "Міёрскія навіны"