"Сёння, з аднаго боку, быў даволі складаны прыём - каля 30 чалавек. Разам з тым даволі разнастайны, - расказаў Ігар Сергяенка. - Уздымаліся многія тэмы. У асноўным яны датычыліся ўмоў пражывання жыхароў Пастаўскага раёна. Калі па блоках падзяліць тэмы зваротаў, то можна назваць наступныя. Некалькі чалавек звярнуліся наконт, на іх погляд, заніжанага памеру пенсій, якія яны атрымліваюць даволі працяглы перыяд. Тлумачэнні даваліся адразу на месцы. Магчыма, асобныя пытанні патрабуюць нейкага ўдакладнення. Але ў цэлым яны былі вырашаны ў свой час на законных падставах. Некаторыя тэмы датычыліся пытанняў асфальтавання канкрэтных дарог, вуліц, добраўпарадкавання населеных пунктаў. Знаходзіліся рашэнні сумесна з органамі ўлады. Даводзілася тлумачыць асобным заяўнікам, што па тых ці іншых прычынах гэтыя пытанні не могуць быць вырашаны адразу або ў гэтым годзе".
Некаторыя заяўнікі звярталіся з просьбамі аказаць матэрыяльную дапамогу ў рамонце іх збудаванняў, па пытаннях зямельных участкаў, адзначыў спікер. "Звяртаюць на сябе ўвагу станоўчыя ініцыятывы прадпрымальніцкага характару ў галіне сельскай гаспадаркі, малой энергетыкі, турызму, якія знаходзяць падтрымку з боку раённага выканаўчага камітэта, - падкрэсліў ён. - Выснова адна - што пытанні, якія ўздымаюцца жыхарамі рэгіёна, павінны і вырашаюцца на ўзроўні раённых выканаўчых камітэтаў, сельскіх выканаўчых камітэтаў".
"У час прыёму мною была звернута ўвага, што бягучы год - добраўпарадкавання і многае можна зрабіць сіламі калектываў, жыхароў населеных пунктаў. Выйсці і добраўпарадкаваць вуліцу або могілкі талакой, а не чакаць толькі аказання дапамогі, калі ўлада прыйдзе і зробіць. Улада можа стварыць умовы, выдзеліць матэрыяльныя рэсурсы на прыярытэтныя напрамкі, якія датычацца вялікай колькасці людзей, - дадаў Ігар Сергяенка. - У цэлым настрой улюдзей добразычлівы. Некаторыя, не атрымаўшы на месцы вырашэння сваёй просьбы, адыходзілі з разуменнем таго, што так і павінна быць, таму што мы сёння жывём па законах, якія самі прымаем і самі павінны выконваць".
